Қызылорда облысы Байқоңыр қаласы М.О.Әуезов атындағы №6 орта мектеп география пәні мұғалімі Жанибекова Светлана Айдыновна Тақырыбы: Жігітке жеті өнер де аз

Қызылорда облысы Байқоңыр қаласы
М.О.Әуезов атындағы №6 орта мектеп
география пәні мұғалімі
Жанибекова Светлана Айдыновна
Тақырыбы: Жігітке жеті өнер де аз
Мақсаты: Балалардың білімін, өнерін тамашалап, салт-дәстүрді жетік білуге, өз өнерін көрсете білуге және Отанын сүйуге, адал қызмет етуге тәрбиелеу.
Көрнекілік құралдар: слайд, нақыл сөздер, шарлар.
1-жүргізуші:
Арыстандай айбаттым,
Жолбарыстай қайраттым,
Аспандағы байрақтым,
Қанша жұлдыз жайнаттың,
Қанша бұлбыл сайраттың,
Қазақстан, ардақтым!
Армысыздар, құрметті қонақтар, қымбатты ұстаздар және бүгінгі ойынға қатысушы жас ұландар! Егеменді еліміздің тыныштығын және бейбітшілігін қорғау бұл әрбір азаматтың қасиетті борышы екендігі баршамызға әйгілі. Ал отанды қорғаушылар тек қана білектің күшіне сүйенушілерден ғана болмай, ақылы мен қайраты, күш-жігері мен зердесі бірдей мықты болғаны – бұл ел қорғаушы ерлерге ежелден қойылып келе жатқан талап. Сондықтан болар, халқымыздан өткен Наурызбай, Бөгенбай, Райымбек сияты хас батырлар шешен де, би де, ақыл-парасаты биік адамдар ретінде ел ішінде үлкен абыройға ие болған.
Біз де бүгінгі байқауымызды жігіттеріміздің білек күшін ғана емес, ақылы мен тапқырлығын бәйгеге салу ниетімен өткізбек болып баршаңызды осында жинадық. Ендеше бүгінгі «Жігітке жеті өнер де аз» атты интелектуалды сайысымызға қош келдіңіздер!
2-жүргізуші:
Бала өсірген ата-ана,
Бала болып ойнайды.
Бала оқытқан ұстаздар,
Бала болып ойлайды.
Жүргізуші:
Ей, жігіттер!
Сендерге артар міндет көп,
Көтер биік ата салтын құрметтеп.
Ақтай білсең ата-баба үмітін,

Әрбір сөзі – тәлімі мол бір мектеп.
1-жүргізуші:
Олай болса, сайысымызды бастамас бұрын әділ-қазылар алқасын сайлап алайық.
Әділдікпен бұл сайысты байқайтын,
Туралықтан ешқашан да қайтпайтын
Әділ-қазылар алқасын таныстыруға рұқсат етіңіздер!
1. Байбарақова Нағия – ән пәнінің мұғалімі.
2. Бисембаева Ардақ – биология пәні мұғалімі.
3. Рсалиева Айшолпан – информатика пәні мұғалімі.

2-жүргізуші: Ендеше құрметті көрермендер рұқсат болса сайысымыздың жоспарымен таныстырып өтейік:

І-тур Таныстыру.
ІІ-тур «Мақал – сөз мәйегі» дегендей екінші сайыс: Мақал-мәтел сайысы.
ІІІ – тур «Ойлан тап» ойыны
ІV-тур Мәнерлеп өлең оқу сайысы.
V –тур Асық ойыны
VІ-тур «Бәйге» сайысы
VІІ-тур «Білек» сайыс
1-жүргізуші:
Ал, халайық тұрмайық,
Әндетейік жырлайық.
Сайыскерлерді қарсы алып,
Інжу-маржан шашайық.
1-ТОП «Сұңқар» тобы
Ұраны: «Бас жарылса бөрік ішінде.»

2-ТОП «Тұлпар» тобы
Ұраны: «Намысты қолдан бермейміз»

2-жүргізуші:
Олай болса бірінші тур бойнша әр топ өз командаларын таныстырып өтсін. (Бағалау)
1-жүргізуші:
ІІ – тур «Сөз мәйегі – мақал» сайысы. Ойын шарты бойынша жүргізуші қойған сұраққа қатысушы мақалмен жауап береді:
• Қар жана ма? (Қалауын тапса, қар жанады.)
• Инемен құдық қазуға бола ма? ( Білім инемен құдық қазғандай.)
• Киіз қазық жерге кіре ме? (Тоқпағы мықты болса киіз қазық жерге кіреді.)
• Аппақ қарға бола ма? (Қарға баласын аппағым дейді)
• Қой мен қасқыр ойлана ма? (Қойдың ойлағаны – амандық, қасқырдың ойлағаны – арамдық.)
• Қарғыстың ең жаманы не? (Өзің білме, білгеннің тілін алма.)
• Тастың жеңілі бола ма? (Керек тастың ауырлығы жоқ.)
• Жігітті шал деген жөн бе? ( Жаман жігіт жасында шал болар.)
• Ең тәтті не? (Ананың сүті тәтті, баланың тілі тәтті.)
• Адамның қай мүшесі қорқақ, қай мүшесі батыр? (Көз қорқақ, қол батыр.)
• Байлықтың атасы мен анасы? (Байлықтың атасы – еңбек, анасы – жер.)
• Жердің, ердің сәні не? (Жердің сәні – егін, ердің сәні – білім.)
(Бағалау)

2-жүрізуші: ІІІ-ТУР
Ойлан, тап ойыны. Ойын шарты бойынша әр топтың топ жетекшісі ортаға шығады. Оларға түрлі 10 сурет беріледі. Осы суреттегі затты өзінің тобына атын айтпай түсіндіруі керек, ал топ мүшелері оның атын атау керек. Уақыт шектеулі 1 минут ішінде неше заттың аты дұрыс аталды, есептеледі. (Бағалау)

1-жүргізуші:
ІV-тур өлең оқу сайысы. Әр топтан бір оқушы шығып өлеңді мәнерлеп оқудан жарысады.
«Асыл мұра көнермей
Жаяр елге жақсы атын.
Өлеңдерін оқиды
Көңіл қойып тыңдағын.
Езуіңді жимағын.» дей отырып әр топтан бір оқушы шақырамыз. Өзіне ұнайтын бір өлеңді мәнерлеп оқиды. (Бағалау)
2-жүргізуші:
Сайысымыздың келесі түрі: Асық ойыны.
«Асық ойнаған азар,
Доп ойнаған тозар,
Бәрінен де қой бағып,
Құйрық жеген озар.» дегендей бұл сайыста сайыскерлер асық иіреді, қай топта алшы асық көп иірілді сол саналады. (Бағалау)
1-жүргізуші:
Келесі сайысымыз «Бәйге» жарыс. Шарты: сұраққа-жауап беру.
Осынау дүбірімен күй ақтарған,
Бәйгеден озып келу сияты арман.
Туған ел үшін үміт үзбей қарап отыр,
Тұлпардан қалған өңкей тұяқтардан.
Алдағы бір баратын бағыт анық,
Сәйгүлік екеніңді тағы таныт.
Бәйгеде аттың басын тартпас болар,
Ал енді тізгіндерді ағыталық .» дей отырып «Бәйге» сайысын бастаймыз.
Әр топқа сегіз сұрақтан беріледі. Топ мүшелері жауап береді.
«Сұңқар» тобына сұрақтар:
1. Тұңғыш ғарышкер кім және ол ғарышта неше сағат болды?
2.Байқоңыр қаласының алғашқы атауы? (Заря)
3. Тұңғыш қазақ ғарышкері (Тоқтар Әубәкіров)
4. Талғат Мүсабаев қай жылдары ұшты? (1994, 1998, 2001ж)
5. Алғашқы ракета құрастырушы конструктор? (С. П. Королев)
6. Ю. Гагариннің туған жылы күні? (1934 жылы 9 наурыз)
7. Гагарин жер шарын неше сағатта айналып шықты? (108 минутта)
8. Ғарышкерлер күні ?
«Тұлпар» тобына:
1. Алғаш рет Ю. Гагарин қандай кемемен, нешінші жылы ұшты? (1961ж 12 сәуір, «Восток» кемесімен.)
2. «Байқоңыр атауы қашан берілді? (1995жылы 20 желтоқсанда)
3. Екінші қазақ ғарышкері? (Талғат Мұсабаев)
4. Тоқтар Әубакіров қай жылы ұшты? (1991 ж екінші казанда)
5. Алғаш қаланың құрылысының негізін салушы? (Г. М. Шубников, Неделин)
6. Ю. Гагариннің туған жері? (Смоленскі қаласы, Гжатск ауд, Клушино ауылы)
7. Ең алғаш космосқа ұшқан жануар?
8. Ю. Гагариннің қайтыс болған жылы? (1968 жылы 27 наурыз)
2-жүргізуші:
Келесі 7-шы сайыс «Білек сайысы» Ойын шарты әр топтан бір оқушы шығып 1–минут ішінде отжимание жасайды. Кім көп жасайды, саналады. (Бағалау)

1-жүргізуші: «Жүзден жүйрік, мыңнан тұлпар» демекші, сайысымыздың соңына да жеттік.
Қорытынды сөз әділ-қазылар алқасына беріледі. (Жеңімпаздарды марапаттау)

Барына риза болып көрермендер,
Ойнадық та, ойладық.
Осымен бұл қызықты тәмәмдасақ,
Тағы да кездесерміз аман болсақ. – деп сайысымызды аяқтаймыз

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>